Кітайскі камітэт ШАС арганізаваў дыялог па павышэнні эфектыўнасці народнай дыпламатыі
Фота ШАС 6 чэрвеня, Мінск . Канферэнцыя, прымеркаваная да 25-годдзя Шанхайскай арганізацыі супрацоўніцтва, прайшла з удзелам Беларусі і была прысвечана пытанням развіцця народнай дыпламатыі,
У мерапрыемстве, арганізаваным Кітайскім камітэтам ШАС па добрасуседстве, дружбе і супрацоўніцтве, прынялі ўдзел прадстаўнікі цэнтраў народнай дыпламатыі, таварыстваў дружбы з замежнымі краінамі, у тым ліку Беларускага таварыства дружбы і культурнай сувязі з замежнымі краінамі, арганізацый, якія працуюць у сферы стратэгічных даследаванняў, культуры, навукі і адукацыі, дзяржаў — членаў ШАС і партнёраў па дыялогу.
Сустрэча адбылася ў відэафармаце, яе асноўная тэма — «Сумеснымі намаганнямі стварыць больш цесную супольнасць лёсу ШАС, сабраць мудрасць і сілу арганізацый народнай дыпламатыі краін ШАС».
Прадстаўнік Сакратарыята ШАС праінфармаваў аб рабоце, якая праводзіцца арганізацыяй па лініі народнай дыпламатыі, адзначыўшы ўклад цэнтраў народнай дыпламатыі ШАС і паслоў добрай волі ў стварэнне ўмоў для паглыблення атмасферы дружбы і даверу, міжканфесійнага і міжцывілізацыйнага дыялогу, распаўсюджвання ведаў пра багатую гістарычную спадчыну дзяржаў — членаў арганізацыі, іх традыцыі.
Удзельнікі відэаканферэнцыі выступілі з прапановамі па павышэнні эфектыўнасці ўдзелу інстытутаў народнай дыпламатыі ў рабоце ШАС у мэтах далейшага ўмацавання гуманітарнага вымярэння супрацоўніцтва на прасторы арганізацыі.
