Кіраўнік расійскага Банка ПСБ заявіў аб зацікаўленасці развіваць супрацоўніцтва з Беларуссю
Пётр Фрадкоў 5 кастрычніка, Мінск . Банк ПСБ зацікаўлены ў развіцці супрацоўніцтва з Беларуссю. Аб гэтым заявіў старшыня гэтага публічнага акцыянернага таварыства (ПАТ) Пётр Фрадкоў на сустрэчы з Прэзідэнтам Беларусі Аляксандрам Лукашэнкам,
Кіраўнік банка выказаў удзячнасць кіраўніку беларускай дзяржавы за магчымасць сустрэчы. Ён падкрэсліў, што для яго асабіста і для Банка ПСБ развіццё ўзаемадзеяння, партнёрскіх сувязей у Беларусі мае важнае значэнне. «Беларусь з’яўляецца абсалютным прыярытэтам і заўсёды з’яўлялася, — заявіў Пётр Фрадкоў. — Для нас вельмі важна, што гэта супрацоўніцтва прадаўжаецца і развіваецца, прычым па зусім розных напрамках».
Сярод такіх напрамкаў, напрыклад, міжбанкаўскае ўзаемадзеянне, супрацоўніцтва з прамысловымі прадпрыемствамі, а ў перспектыве таксама і работа ў сферы лізінгавых паслуг.
«Мы заўсёды былі, з’яўляемся і прадаўжаем з’яўляцца адным з ключавых партнёраў банкаўскай сістэмы Беларусі ў цэлым, адным з буйных крэдытораў банкаў. Для нас гэта важна. Мы гэты напрамак развіваем», — сказаў Пётр Фрадкоў, характарызуючы ўзровень міжбанкаўскага ўзаемадзеяння.
Работа з прамысловымі кампаніямі з Беларусі, паводле яго слоў, прадаўжаецца. У кола дзелавых партнёраў уваходзяць такія вытворчыя гіганты, як МАЗ, БЕЛАЗ, а таксама БЧ.
«Цяпер праходзім усе неабходныя працэдуры па рабоце з дзяржаўнай лізінгавай кампаніяй», — коратка абазначыў перспектывы супрацоўніцтва на беларускім фінансавым рынку Пётр Фрадкоў.
