Кіраўнік МЗС Беларусі разлічвае на выпрацоўку духу ўзаемадзеяння ў Еўразійскім рэгіёне
Максім Рыжанкоў 7 кастрычніка, Аваза . Міністр замежных спраў Беларусі Максім Рыжанкоў разлічвае, што ў час перагаворнага працэсу па Еўразійскай хартыі разнастайнасці і шматпалярнасці ў XXI стагоддзі будзе выпрацаваны дух узаемадзеяння ў Еўразійскім рэгіёне. Аб гэтым ён заявіў у Туркменістане на пасяджэнні Савета міністраў замежных спраў краін СНД,
«Разлічваем, што астатнія калегі падключацца да гэтага перагаворнага працэсу, які павінен стаць сістэмаўтваральным па выпрацоўцы нейкага духу ўзаемадзеяння ў Еўразійскім рэгіёне, важнага для ўсіх арганізацый, якія на гэтым полі сёння існуюць», — заявіў міністр.
Пачатак перагаворнага працэсу па распрацоўцы Еўразійскай хартыі разнастайнасці і шматпалярнасці ў XXI стагоддзі, старт якому быў дадзены ў верасні бягучага года ў Нью-Ёрку на палях ААН, Максім Рыжанкоў назваў пераканаўчым прыкладам адзінства. Міністр асабліва адзначыў, што запуску перагаворнага працэсу з удзелам Расіі, Казахстана, Кыргызстана, Таджыкістана і іншых аднадумцаў не перашкодзілі ніякія дэмаршы і байкоты з боку шэрага іншых дзяржаў, іх заклікі ў час 81-й сесіі Генасамблеі ААН да знешняга націску.
