Каля берагоў Крыта знайшлі целы 12 загінулых мігрантаў
Фота з архіва 9 лістапада, Мінск /Кар. БЕЛТА/. Берагавая ахова Грэцыі знайшла ў лодцы каля берагоў вострава Крыт целы 12 загінулых мігрантаў. Яшчэ 18 чалавек удалося выратаваць. Аб гэтым паведамляе агенцтва Reuters.
Адзначаецца, што лодка знаходзілася прыкладна за 15 марскіх міль ад порта Калі-Ліменес. Прычыны гібелі людзей пакуль не ўстаноўлены.
Акрамя таго, у двух іншых выпадках каля берагоў Крыта выратавалі яшчэ дзясяткі абяздоленых, якія спрабавалі дабрацца морам да еўрапейскага кантынента.
Грэцыя на працягу многіх гадоў застаецца адным з асноўных пунктаў уезду ў Еўропу для мігрантаў і бежанцаў з краін Блізкага Усходу, Афрыкі і Азіі. У 2015-2016 гадах на грэчаскія астравы, пераважна з Турцыі, прыбылі амаль мільён чалавек.-0-
