Каля 640 фур і легкавушак чакаюць уезду ў Еўрасаюз — ДПК
Фота з архіва 9 кастрычніка, Мінск . Перад выхаднымі ў чэргах на граніцы з Еўрасаюзам знаходзіцца каля 640 велікагрузаў і легкавых аўто. Аб гэтым БЕЛТА паведамілі ў Дзяржпагранкамітэце.
Больш за 230 фур знаходзіцца перад польскімі пагранпераходамі «Баброўнікі» («Бераставіца») і «Кукурыкі» («Казловічы»). Кантралюючыя службы гэтых пунктаў пропуску за суткі аформілі 28% грузавога транспарту. Уезду ў Літву чакаюць 20 велікагрузаў. Сумежны бок прыняў на сваю тэрыторыю 27% грузавікоў ад нормы.
Найбольшая чарга легкавушак фіксуецца на польскім напрамку. Перад «Цярэспалем» («Брэст»), «Кузніцай Беластоцкай» («Брузгі») і «Баброўнікамі» ўезду ў Польшчу чакаюць 375 легкавых аўто. За суткі сумежны бок прыняў на сваю тэрыторыю 29% аўто. Уезду ў Літву праз пункт пропуску «Мядзінінкай» («Каменны Лог») чакаюць 10 легкавых транспартных сродкаў.
