Калі могуць адмовіць у прадаўжэнні тэрміну мытнага транзіту пры перавозцы тавараў у ЕАЭС, расказалі ў ДМК
Фота з архіва 23 чэрвеня, Мінск . У якіх выпадках могуць адмовіць у прадаўжэнні тэрміну мытнага транзіту пры перавозцы тавараў па тэрыторыі ЕАЭС, расказалі ў ДМК.
Магчымыя сітуацыі вызначаны Парадкам ажыццяўлення мытных аперацый, звязаных з прадаўжэннем тэрміну мытнага транзіту, які зацверджаны рашэннем Калегіі ЕЭК ад 13 снежня 2017 года нумар 170. Мытны орган адмаўляе ў прадаўжэнні тэрміну, калі зварот паступіў у мытны орган, які не прадугледжаны парадкам, або пасля заканчэння ўстаноўленага тэрміну транзіту.
Таксама могуць адмовіць у выпадках, калі зварот пададзены неўпаўнаважанай асобай, не змяшчае прадугледжаныя абавязковыя звесткі або звесткі аб месцы знаходжання тавараў і транспартнага сродку з’яўляюцца недакладнымі.
Адмова прадугледжана і тады, калі тэрмін транзіту з улікам яго магчымага прадаўжэння ў адпаведнасці са зваротам будзе перавышаць гранічны тэрмін, да звароту не прыкладзена транзітная дэкларацыя ў выглядзе дакумента на папяровым носьбіце або яе завераная копія (у выпадку, калі зварот паступіў у выглядзе дакумента на папяровым носьбіце і мытнаму органу адпраўлення транзітная дэкларацыя падавалася на папяровым носьбіце).
