Як Беларусь забяспечвае адаптацыю і бяспеку работнікаў з Узбекістана, расказалі ў МУС
Іван Кубракоў. Фота МУС 16 ліпеня, Віцебск . Як праваахоўныя органы забяспечваюць адаптацыю і бяспеку работнікаў з Узбекістана, прыбыўшых у Віцебск, расказаў журналістам міністр унутраных спраў Іван Кубракоў,
«Беларусь міралюбівая краіна, і мы заўсёды ўсім рады. З кожным годам усё больш і больш замежных грамадзян прыязджае ў нашу краіну з мэтай адпачынку, і, вядома, з мэтай працаўладкавання. Сёння мы правялі нараду сумесна з органамі мясцовай улады, дзе пастаўлена задача аказання ім дапамогі ў рэгістрацыі. Абсалютна ніякіх праблем і пытанняў з прыехаўшымі працаваць грамадзянамі Узбекістана няма. Усе яны ўжо зарэгістраваны і працаўладкаваны, бытавыя пытанні вырашаны», — сказаў Іван Кубракоў.
Паводле яго слоў, супрацоўнікам міліцыі пастаўлена задача забяспечыць кантроль за бяспекай, яны пагутарылі з кожным з прыбыўшых пры рэгістрацыі, давялі ім патрэбную інфармацыю і асаблівасці нашага заканадаўства (гэта работа прадоўжыцца). Таксама перад супрацоўнікамі праваахоўных органаў пастаўлена задача забяспечыць працоўную дысцыпліну. Гэта датычыцца не толькі замежных грамадзян, але і ў цэлым усіх прадпрыемстваў і арганізацый, асабліва ў сельскай мясцовасці.
«Да нас прыехалі працавітыя грамадзяне, якія хочуць зарабляць, некаторыя — з сем’ямі, ім прадастаўлены дамы і магчымасць працаваць. Людзі адзываюцца вельмі добра. Мы выдатна разумеем, што нават пры пераездзе з аднаго раёна ў іншы ўжо ёсць нейкія асаблівасці, а тут людзі прыехалі ў іншую краіну, але яны разумеюць: у Беларусі — мір і бяспека, таму што нашы грамадзяне выконваюць законы», — заўважыў Іван Кубракоў.
