Дзяржсакратарыят Савета бяспекі праверыць функцыянаванне атрадаў народнага апалчэння
Фота з архіва 22 кастрычніка, Брэст . Дзяржаўны сакратарыят Савета бяспекі падрыхтуе план па праверцы функцыянавання і стварэння атрадаў народнага апалчэння. Аб гэтым 22 кастрычніка паведаміў журналістам дзяржаўны сакратар Савета бяспекі Аляксандр Вальфовіч на палігоне Брэсцкі,
«Праверка ўсіх структур ваеннай арганізацыі дзяржавы яшчэ не завяршылася. Ёсць на чарзе шэраг структур, якія будуць правераны да канца года. У тым ліку на мінулым тыдні, працуючы ў Верхнядзвінску, Прэзідэнт паставіў задачы звярнуць увагу на пытанні, звязаныя з народным апалчэннем. Дзяржаўным сакратарыятам Савета бяспекі будзе падрыхтаваны план па праверцы функцыянавання, стварэння атрадаў народнага апалчэння», — сказаў Аляксандр Вальфовіч.
Народнае апалчэнне фарміруе ніжняе звяно абароннай сістэмы. Яго атрады падстаўляюць плячо для недапушчэння розных беспарадкаў у населеных пунктах, дзеянняў дыверсійна-разведвальных груп. Інакш кажучы, гэтыя людзі выконваюць абавязкі грамадзянскага профілю, але яны гатовы абараніць свой дом і сям’ю ў выпадку неабходнасці.
«Паглядзім у першую чаргу, як мясцовыя органы ўлады разумеюць, што такое народнае апалчэнне, як прынята рашэнне, як складзены спісы. Паглядзім, як разумее гэта Міністэрства ўнутраных спраў. Таму што агульнае кіраўніцтва атрадамі народнага апалчэння па ўказе Прэзідэнта ажыццяўляе мясцовая вертыкаль улады, а непасрэдна кіраўніцтва атрадамі народнага апалчэння — МУС, тэрытарыяльныя органы ўнутраных спраў на месцах», — растлумачыў дзяржсакратар Савета бяспекі. Ён дадаў, што таксама будзе звернута ўвага на тое, як прадстаўнікі народнага апалчэння гатовы выконваць ускладзеныя на іх задачы, як вядзецца іх падрыхтоўка.
«Вось гэтыя рэчы мы практычна ў кожнай вобласці праверым, адзін-два раёны. Абагульнім і да канца года даложым Прэзідэнту аб функцыянаванні і стварэнні атрадаў народнага апалчэння», — рэзюмаваў Аляксандр Вальфовіч.
Сёння ён на палігоне Брэсцкі ацаніў дзеянні ваеннаслужачых 38-й асобнай гвардзейскай дэсантна-штурмавой брыгады ў час праверкі Узброеных Сіл. Яе дзяжурная рота па рэагаванні і адна з воінскіх часцей у пачатку гэтага тыдня прыведзены ў гатоўнасць да выканання задач па прызначэнні ў штаце мірнага часу. Для ваеннаслужачых вызначаны шэраг вучэбна-баявых задач: па фізічнай, агнявой і тактычнай падрыхтоўцы. Вынікам дзеянняў брэсцкіх дэсантнікаў дзяржсакратар Савета бяспекі застаўся задаволены. 
Фота Віялеты Южаковай
