Дзе ў Беларусі 17 кастрычніка будзе туман і слабы галалёд, расказалі сіноптыкі
16 кастрычніка, Мінск . Ноччу і ў першай палавіне дня 17 кастрычніка на большай частцы тэрыторыі Беларусі магчымы туман, месцамі — слабы галалёд, паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Будзе воблачна з праясненнямі, пераважна без ападкаў. Толькі днём месцамі па поўдні пройдуць невялікія дажджы. Вецер прагназуецца паўночны, паўночна-ўсходні 2-7 м/с.
Тэмпература паветра ноччу складзе плюс 1-6 градусаў, па паўднёвым усходзе — да плюс 10 градусаў. Месцамі па краіне і па поўначы ў многіх раёнах будуць замаразкі ад нуля да мінус 3 градусаў. Днём чакаецца ад плюс 9 па паўночным захадзе да плюс 17 градусаў па паўднёвым усходзе.
Больш актуальнай і цікавай інфармацыі аб надвор’і глядзіце ў праграме АНТ «Метэагід» на videobel.by.
