ДПК: больш як 800 легкавушак чакаюць на граніцы ўезду ў Польшчу
Фота з архіва 13 ліпеня, Мінск . Больш як 800 легкавушак чакаюць на граніцы ўезду ў Польшчу. Аб гэтым БЕЛТА паведамілі ў Дзяржпагранкамітэце.
Польскі напрамак застаецца самым загружаным для легкавушак. Перад пагранпераходамі «Кузніца Беластоцкая» (сумежны «Брузгі»), «Баброўнікі» (сумежны «Бераставіца») і «Цярэспаль» (сумежны «Брэст») уезду ў Польшчу чакаюць 810 аўто. Кантралюючыя службы гэтых пунктаў пропуску за двое сутак аформілі 28 працэнтаў транспарту ад нормы.
Акрамя таго, каля 140 легкавых аўто фіксуецца перад літоўскімі пагранпераходамі «Мядзінінкай» (сумежны «Каменны Лог») і «Шальчынінкай» (сумежны «Беняконі»). З пятніцы сумежны бок прыняў на сваю тэрыторыю 58 працэнтаў транспарту ад нормы.
Грузавыя аўто чакаюць уезду ў Еўрасаюз на польскім і літоўскім напрамках. Так, перад літоўскімі пунктамі пропуску фіксуецца 170 фур. Супрацоўнікі сумежных пагранпераходаў за выхадныя дні аформілі 19 працэнтаў транспарту. Уезду ў Польшчу чакаюць 295 велікагрузаў. Кантралюючыя службы пагранпераходаў «Баброўнікі» і «Кукурыкі» (сумежны «Казловічы») прынялі на сваю тэрыторыю 28 працэнтаў грузавых аўто.
