Да +16°С і навальніцы чакаюцца сёння ў Беларусі
22 верасня, Мінск . У Беларусі сёння днём у многіх раёнах чакаюцца моцныя дажджы. Аб’яўлены аранжавы ўзровень небяспекі. Аб гэтым БЕЛТА паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Будзе воблачна, на большай частцы тэрыторыі пройдуць дажджы, днём у многіх раёнах чакаюцца моцныя дажджы, месцамі прагрымяць навальніцы. У ранішнія гадзіны ў асобных раёнах магчымы слабы туман. Вецер прагназуецца паўночна-заходні 4-9 м/с, днём з парывамі да 14 м/с, месцамі 15-18 м/с.
Тэмпература паветра днём будзе 10-16 градусаў вышэй за нуль.
Больш актуальнай і цікавай інфармацыі аб надвор’і глядзіце ў праграме АНТ «Метэагід» на videobel.by.
