Ці можна падаць дакументы ў ВНУ анлайн? Адказалі ў Мінадукацыі
Фота з архіва Навіны сюжэта «Праект «Краіна гаворыць»» Як ідзе будаўніцтва ў горадзе-спадарожніку Смалявічах? Адказалі ў Мінгарвыканкаме Пункт захавання радыеактыўных адходаў плануюць пабудаваць у Беларусі 25 мая, Мінск . Ці можна падаць дакументы ў ВНУ анлайн, расказаў начальнік галоўнага ўпраўлення прафесійнай адукацыі Міністэрства адукацыі Сяргей Пішчоў у праекце БЕЛТА «Краіна гаворыць».
У электронным выглядзе дакументы абітурыенты цяпер не падаюць. «Ёсць магчымасці папярэдняй рэгістрацыі, электронная чарга, моладзь карыстаецца такой магчымасцю. У большасці ВНУ ў нас створаны асабістыя кабінеты абітурыентаў, дзе таксама ёсць магчымасць папярэдне запоўніць заяву, іншыя дакументы, дагавор аб падрыхтоўцы спецыяліста за кошт сродкаў бюджэту або на платнай аснове, прадставіць копіі дакументаў, каб прыёмная камісія магла аператыўна их разгледзець, пры неабходнасці даць рэкамендацыю абітурыенту, калі трэба дабавіць нейкія дакументы», — сказаў Сяргей Пішчоў.
Але падача дакументаў ва ўстановы вышэйшай адукацыі падаецца асабіста абітурыентам. «Мы павінны атрымаць арыгінал дакумента аб адукацыі, гэта значыць атэстат або дыплом. Пашпарт павінен прадаставіць або дакумент, які засведчвае асобу, асабіста абітурыент. Сертыфікаты цэнтралізаванага экзамену або цэнтралізаванага тэсціравання — прысутнасць абітурыента пры падачы дакументаў з’яўляецца абавязковай умовай», — заўважыў начальнік галоўнага ўпраўлення.
Паводле яго слоў, тыя элементы інфармацыйна-камунікацыйных тэхналогій, якія сёння прымяняюцца, даюць магчымасць крыху аптымізаваць працэс падачы дакументаў, зарыентаваць прыёмныя камісіі, асабліва ў першыя і апошнія дні прыёму, у частцы ўзмацнення або павелічэння колькасці членаў прыёмных камісій, валанцёраў. Чыстай электроннай падачы дакументаў сёння ва ўніверсітэтах няма.
*Праект створаны за кошт сродкаў мэтавага збору на вытворчасць нацыянальнага кантэнту.
