Цёпла, кароткачасовыя дажджы і навальніцы. Якое будзе надвор’е ў Беларусі 30 жніўня
29 жніўня, Мінск . У Беларусі 30 жніўня чакаюцца кароткачасовыя дажджы і навальніцы. Тэмпература паветра днём падымецца да плюс 27 градусаў. Аб гэтым паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
У нядзелю ноччу будзе воблачна з праясненнямі, днём — пераменная воблачнасць. Уначы і раніцай на большай частцы тэрыторыі пройдуць кароткачасовыя дажджы, днём ападкі чакаюцца месцамі. У асобных раёнах магчымы навальніцы. Уначы і раніцай месцамі будзе туман.
Вецер паўднёвы, паўднёва-заходні, 3-8 м/с, пры навальніцах парывы да 14 м/с. Мінімальная тэмпература паветра ноччу складзе 11-17 градусаў, максімальная днём — 21-27 градусаў.
Больш актуальнай і цікавай інфармацыі пра надвор’е глядзіце ў праграме АНТ «Метэагід» на videobel.by.
