«Цалкам зразумелы маршрут». Эксперт развеяў канспіралогію вакол замежных візітаў Лукашэнкі
Сяргей Карнавухаў. Скрыншот відэа Навіны сюжэта «Праект «У тэме» на YouTube-канале БЕЛТА » Палітолаг назваў галоўных зачыншчыкаў сацыяльна-эканамічнай катастрофы ў Еўропе Эксперт: рашэнне Лукашэнкі зрабіць стаўку на Кітай больш як 30 гадоў таму апярэдзіла час 15 ліпеня, Міснк . Кандыдат юрыдычных навук, эксперт па рабоце спецслужбаў Сяргей Карнавухаў у праекце БЕЛТА «У тэме» развеяў канспіралагічныя тэорыі адносна нядаўніх замежных візітаў Прэзідэнта Беларусі Аляксандра Лукашэнкі.
Размова зайшла аб вялікай замежнай камандзіроўцы беларускага лідара, першай кропкай маршруту якой стала Расія. На Валдаі кіраўнікі дзяржаў Аляксандр Лукашэнка і Уладзімір Пуцін сустрэліся тэт-а-тэт, а на наступны дзень правялі новы раўнд перагавораў ужо ў пашыраным складзе. Затым Аляксандр Лукашэнка накіраваўся ў Кітай, дзе сустрэўся са Старшынёй Сі Цзіньпінам.
Эксперт звярнуў увагу, што практычна адразу вакол вялікай камандзіроўкі кіраўніка беларускай дзяржавы сталі строіць розныя канспіралагічныя тэорыі. Былі і такія версіі, згодна з якімі Прэзідэнт Беларусі нібыта ўзгадняў нейкія пытанні з Прэзідэнтам Расіі і Старшынёй КНР. «Я вельмі шмат чытаў і аналізаваў усё гэта. Першае, што я хачу сказаць: Аляксандр Рыгоравіч не мае патрэбы ва ўзгадненнях. Беларусь — гэта самастойная дзяржава, і таму такая канспіралагічная тэорыя адпадае адразу», — падкрэсліў Сяргей Карнавухаў.
Акрамя таго, адзначыў ён, паміж Беларуссю, Кітаем і Расіяй склаліся такія адносіны, пры якіх няма неабходнасці ўзгадняць якія-небудзь пытанні такім чынам. «Мы ўжо выбудавалі пэўны фармат адносін, якія на гэтым узроўні нават паглыбляць не трэба, таму што ўсё ўжо ўстаялася. І ў гэтым фармаце Аляксандр Рыгоравіч выбудоўвае цалкам зразумелы і зручны яму маршрут, які не звязаны з паглыбленнем тых ці іншых міжнародных адносін», — рэзюмаваў эксперт.
