Больш за 29 тыс. электрамабіляў зарэгістравана ў Беларусі за дзевяць месяцаў
Фота з архіва 19 кастрычніка, Мінск . Электратранспарт у Беларусі застаецца драйверам росту аўтамабільнага рынку. Аб гэтым паведаміў журналістам старшыня праўлення Асацыяцыі развіцця электратранспарту «БЭТА» Сяргей Худаешка,
Паводле слоў Сяргея Худаешкі, доля электрамабіляў і аб’ёмы іх продажаў пастаянна растуць. На дынаміку ў тым ліку паўплывалі меры дзяржаўнага стымулявання, якія далі магчымасць зрабіць электрычны транспарт даступным.
Паводле даных на 1 кастрычніка 2026 года, у краіне налічвалася больш за 73 тыс. «зялёных» аўто, з іх звыш 29 тыс. зарэгістраваны за дзевяць месяцаў бягучага года. Гэта значна больш, чым некалькі гадоў таму. Доля электратранспарту ў продажах новых аўто складае 34,6% і 14,7% ад агульнага рынку. Больш за 62% парку прыпадае на Мінск і Мінскую вобласць.
«Жнівень паказаў гістарычны рэкорд — зарэгістравана больш за 4,9 тыс. электрамабіляў. Ён быў звязаны з чаканнем заканчэння тарыфнай ільготы па мытнай квоце. Квоты канчаткова скончыліся 5 верасня, і, адпаведна, бачым спад продажаў», — адзначыў Сяргей Худаешка, дадаўшы, што прагназуецца далейшая адмоўная дынаміка.
«БЭТА» накіравала прапановы ў органы дзяржаўнага кіравання па развіцці рынку электратранспарту, у тым ліку па прадаўжэнні тарыфнай квоты, стымуляванні будаўніцтва суперхуткіх зарадных станцый, захаванні нулявога ПДВ, зніжэнні ўтыльзбору для электрагрузавікоў. Сяргей Худаешка падкрэсліў, што даступныя электрамабілі пашыраюць рынак, а не выцясняюць аўто з рухавікамі ўнутранага згарання.
Таксама ў асацыяцыі назвалі топ-5 самых запатрабаваных электракараў. Абсалютны лідар — Geely, затым ідуць Dongfeng, Belgee, BYD, Deepal.
