Больш за 20 прамысловых прадпрыемстваў Беларусі прымуць удзел у выстаўцы «ІНАПРАМ» у Екацярынбургу
2 ліпеня, Мінск . Беларусь прыме ўдзел у міжнароднай прамысловай выстаўцы «ІНАПРАМ», якая пройдзе ў Екацярынбургу з 6 па 9 ліпеня, паведамілі ў Міністэрстве прамысловасці.
На калектыўным стэндзе будуць прадстаўлены звыш 20 айчынных арганізацый: Беларускі металургічны завод, «Інтэграл», «Белкамунмаш», Мінскі аўтамабільны завод, Мінскі трактарны завод, «Магілёўліфтмаш» і іншыя флагманы прамысловасці.
Краінай-партнёрам выстаўкі выступае Інданезія — асабліва сімвалічна, што сёння паміж прамысловымі ведамствамі дзвюх краін быў падпісаны мемарандум аб узаемаразуменні. Беларуская экспазіцыя размесціцца ў павільёне нумар 4 каля стэнда Інданезіі.
