Беларуская экспазіцыя прадстаўлена на буйнейшай харчовай выстаўцы ў Казахстане
Фота УП «Белінтэрэкспа» БелГПП 11 лістапада, Мінск . Наша рэспубліка прадстаўляе экспазіцыю Belarus. The Taste of Nature на міжнароднай спецыялізаванай выстаўцы ў Казахстане FoodExpo Qazaqstan — 2026, якая праходзіць у Алматы. Аб гэтым паведамілі ва УП «Белінтэрэкспа» Беларускай гандлёва-прамысловай палаты.
Экспазіцыя Belarus. The Taste of Nature, арганізаваная ўнітарным прадпрыемствам «Белінтэрэкспа», прадстаўлена дзевяццю кампаніямі. Сярод удзельнікаў — вядучыя прадпрыемствы галіны, такія як Гродзенскі і Глыбоцкі мясакамбінаты, якія дэманструюць лінейку мясных і каўбасных вырабаў, кансерваванай прадукцыі і паўфабрыкатаў. Жлобінскі мясакамбінат прэзентуе сыравэнджаныя каўбасы з мяса птушкі, а Ваўкавыскі мясакамбінат — сыравэнджанае салямі вышэйшага сорту, асартымент халяльнай гатовай прадукцыі, наборы каўбасных вырабаў, а таксама новы фармат упакоўкі для каўбасы ў слайсернай нарэзцы.
Цукеркі з сухога неразведзенага малака прадстаўляе ААТ «Бабуліна крынка». Кампанія ААТ «Беллакт» экспануе пірожныя, сыркі, шакаладную каўбасу, сметанковае масла, дэсертную пасту, а таксама шэраг навінак, сярод якіх прэсаваныя малочныя цукеркі са смакам ванілі і клубніц з масавай доляй тлушчу 18%. ААТ «Мілкавіта» таксама прапануе асартыментную лінейку прадукцыі.
ААТ «Салігорская птушкафабрыка» прадстаўляе прадукты з яек, крэм на алеі з грыбамі, грэцкім арэхам, вэнджаным яйкам, вараныя перапяліныя яйкі ў соевым, кунжутным соусе і соусе манга-чылі. Прадукцыю з мяса куранят-бройлераў стандарту «Халяль», каўбасныя вырабы, вэнджаніну і далікатэсную прадукцыю прэзентуе ААТ «Птушкафабрыка «Дружба». На выстаўцы прадпрыемства таксама дэманструе новы прадукт з мяса куранят-бройлераў.
Пры ўдзеле пасла Беларусі ў Казахстане Аляксея Багданава і генеральнага консула Беларусі ў Алматы Дзяніса Мялешкіна адбыліся кансультацыі і дзелавыя сустрэчы з экспанентамі. Арганізаваны B2B-сустрэчы з прадстаўнікамі бізнесу і рэгіянальных гандлёвых сетак.
FoodExpo Qazaqstan з’яўляецца ключавой пляцоўкай для дзелавых сустрэч прадстаўнікоў харчовай прамысловасці Казахстана і іншых рэгіёнаў Цэнтральнай Азіі. У гэтым годзе падзея аб’ядноўвае каля 500 экспанентаў з больш як 30 краін, у тым ліку з Малайзіі, ААЭ, Кітая, Беларусі, Расіі, Казахстана, Азербайджана, Інданезіі, Германіі, Чэхіі, Славакіі, Турцыі, Ірана, Рэспублікі Карэя.
Фота УП «Белінтэрэкспа» БелГПП
