Беларус Туравінаў перамог на турніры серыі Гран-пры па тхэквандо ў Рэспубліцы Карэя
Фота sport5.by 6 верасня, Мінск . Беларускі тхэквандыст Раман Туравінаў стаў пераможцам прэстыжнага турніру сусветнай серыі Гран-пры ў карэйскім Муджу,
Наш спартсмен заваяваў золата ў вагавой катэгорыі да 80 кг. У першым крузе Туравінаў прайшоў іспанца Мікеля Фернандэса, у другім раўндзе перамог кітайца Сіяна Ціджана, у чвэрцьфінале выбіў чылійца Хаакіна Чэрчыля, а ў паўфінале адолеў бразільца Энрыке Радрыгеша. У фінальным паядынку беларус справіўся з амерыканцам Карлам Нікаласам.
Раней у бягучым годзе Раман стаў чэмпіёнам Еўропы па тхэквандо. Усяго ў склад нашай каманды на турнір серыі Гран-пры ў Рэспубліцы Карэя ўвайшлі чатыры спартсмены. Георгій Гурцыеў (да 58 кг) пацярпеў няўдачу ў 1/16 фіналу, Юлія Вітко (да 57 кг) завяршыла ўдзел у адной восьмай. Далей у Муджу выступіць Арцём Плоніс (больш за 80 кг).
