Акцыя «Дай лесу новае жыццё!» стартавала ў Беларусі
Фота з архіва 17 кастрычніка, Мінск . Рэспубліканская акцыя «Дай лесу новае жыццё!» пройдзе ў Беларусі з 17 па 24 кастрычніка,
Кампанія накіравана на аднаўленне лесу, што пацярпеў ад ураганнага ветру і ўсыхання пасадак. Каб прыняць удзел у акцыі, трэба звярнуцца ў лясгас або лясніцтва. Лесагаспадарчыя ўстановы падкажуць участкі, дзе патрабуецца дапамога валанцёраў, забяспечаць неабходным пасадачным матэрыялам і інвентаром. Ад дабравольцаў патрэбна толькі прыбыць на месца работы.
Як адзначылі ў Міністэрстве лясной гаспадаркі, з пачатку года ў выніку моцнага ветру ў лясным фондзе Мінлясгаса пашкоджана 19,4 тыс. га лясных пасадах, з якіх 6,9 тыс. га патрабавалі правядзення суцэльнай санітарнай высечкі (на даступных участках). Пры гэтым каля 72% пашкоджанняў сфарміравалася ў чэрвені-жніўні. Сярод найбольш пацярпелых лясгасаў — Вілейскі доследны, Жлобінскі, Бягомльскі. На ўлік як усыхаючыя пасадкі пастаўлена 9,4 тыс. га, якія патрабуюць правядзення суцэльнай санітарнай высечкі.
У 2025 годзе ў акцыі «Дай лесу новае жыццё!» прынялі ўдзел больш за 50 тыс. чалавек. Высаджана каля 18 млн лясных раслін. Новы лес створаны на плошчы 1,6 тыс. га, дапаўненне лесу праведзена на 5 тыс. га.
