Эканоміка, навука, прававая дапамога. Па выніках перагавораў лідараў Беларусі і М’янмы падпісаны пакет дакументаў
21 жніўня, Мінск . Па выніках перагавораў Прэзідэнта Беларусі Аляксандра Лукашэнкі і Прэзідэнта М’янмы Мін Аун Хлайна быў падпісаны пакет дакументаў у гандлёва-эканамічнай, навукова-тэхнічнай, прававой і іншых сферах,
Сярод дакументаў — дагавор паміж Беларуссю і М’янмай па пытаннях аказання ўзаемнай прававой дапамогі па грамадзянскіх і эканамічных справах, а таксама пагадненне аб узаемнай прававой дапамозе па крымінальных справах.
Бакі падпісалі мемарандумы аб узаемаразуменні і супрацоўніцтве паміж выбарчымі органамі, інстытутамі стратэгічных даследаванняў, сродкамі масавай інфармацыі, а таксама паміж Беларускім дзяржаўным універсітэтам і Касмічным агенцтвам М’янмы. У інтарэсах апошняга быў таксама падпісаны мемарандум аб намерах па стварэнні малога касмічнага апарата дыстанцыйнага зандзіравання Зямлі.
Акрамя таго, базавыя пагадненні былі падпісаны паміж двума беларускімі банкамі і Міністэрствам фінансаў і даходаў М’янмы.
