Лукашэнка задаў планку для ўборачнай: з наступнага тыдня — не менш як 6 працэнтаў у дзень
21 ліпеня, Мінск . Прэзідэнт Беларусі Аляксандр Лукашэнка даручыў нарошчваць тэмпы ўборачнай кампаніі, каб з наступнага тыдня штодзённа ўбіраць не менш як 6 працэнтаў пасеваў збожжавых. Адпаведнае даручэнне ён даў на селектарнай нарадзе,
«Менш як 6 працэнтаў у дзень з наступнага тыдня ўбіраць нельга. Гэта самы мінімум. Але лепш — 7-8 працэнтаў. Чаго б нам ні каштавала, трэба ўбіраць. І без страт», — сказаў кіраўнік дзяржавы.
Асаблівая ўвага — выкананню тэхналагічнай дысцыпліны. «Дысцыпліна ў аснове ўсяго. Аб гэтым гавораць усе. Няма дысцыпліны — няма толку. Перш за ўсё — тэхналагічная дысцыпліна. Калі людзі не разумеюць, што трэба выконваць тэхналогію, тады ўключаецца іншая дысцыпліна», — адзначыў Прэзідэнт.
Кіраўнік дзяржавы даручыў праваахоўнікам таксама трымаць на кантролі пытанні па дысцыпліне і дапамагаць у гэтым плане кіраўніцтву райвыканкамаў, кіраўнікам гаспадарак. «Прыйшоў на работу — адпрацуй як належыць і выдай рэзультат», — падкрэсліў ён. 
