У Індыі пры моцным пажары ў навучальным цэнтры загінулі 14 чалавек
Фота з сацсетак 22 чэрвеня, Мінск /Кар. БЕЛТА/. У будынку навучальнага цэнтра ў індыйскім горадзе Лакхнау (штат Утар-Прадэш) у выніку пажару загінулі сама меней 14 чалавек. Аб гэтым інфармуе агенцтва ANI.
«У выніку пажару загінулі сама меней 14 чалавек, таксама ёсць параненыя», — паведаміў намеснік міністра штата.
Паводле даных агенцтва, у момант узгарання ў будынку знаходзіліся падлеткі ва ўзросце 16-17 гадоў.
На месцы здарэння працуюць экстранныя службы. З будынка навучальнага цэнтра эвакуіраваны дзясяткі чалавек. Прычыны пажару ўстанаўліваюцца. Пачалося расследаванне.-0-
