Лукашэнка назваў Мінпрыроды міністэрствам міністэрстваў, але работай ведамства Прэзідэнт незадаволены
Фота з архіва 11 чэрвеня, Мінск . Прэзідэнт Беларусі Аляксандр Лукашэнка пакуль незадаволены работай Міністэрства прыродных рэсурсаў і аховы навакольнага асяроддзя. Аб гэтым ён заявіў, назначаючы новым кіраўніком ведамства Максіма Лысенку,
«Мяне, зразумела, насцярожвае работа міністэрства. І вы як чалавек, які непасрэдна займаецца гэтымі пытаннямі, несяце за гэта адказнасць. Я звычайна не назначаю намеснікаў міністрамі. Таму што калі я або наогул наша грамадства не задаволеныя работай таго ці іншага ведамства, гэта значыць, што не толькі кіраўнік вінаваты, але і намеснікі, — сказаў Прэзідэнт. — Але ў гэтым выпадку я крыху адступаю ад гэтай практыкі, назначаючы вас міністрам. Але я не магу сказаць, што мяне задавальняе работа вашага міністэрства. Абсалютна не. Павінен быць на зямлі парадак. Гэта перш за ўсё. У прыродзе павінен быць парадак. Але і вынікі па іншых напрамках павінны быць».
«Я ваша міністэрства не вельмі заўважаю. Толькі ад выпадку да выпадку, шчыра прызнаюся. Але рызыкнуў першага намесніка назначыць міністрам, таму што ўсё ж такі вы ў тэме. Прыйдзе новы кіраўнік — трэба ўнікаць у сітуацыю», — адзначыў Аляксандр Лукашэнка.
Прэзідэнт растлумачыў, што такое рашэнне звязана яшчэ і з абмеркаваннем магчымасці аб перадачы Дзяржаўнай інспекцыі аховы жывёльнага і расліннага свету ў падпарадкаванне Міністэрства прыродных рэсурсаў і аховы навакольнага асяроддзя: «Калі інспекцыя будзе ў складзе вашага міністэрства, то вам не трэба пераключацца на міністэрства, каб увайсці (у курс спраў. — Заўвага ). І больш увагі прыйдзецца ўдзяліць інспекцыі».
«Не важна, дзе будзе гэта інспекцыя. Вы — міністр, і вы павінны бачыць усё. І не проста хадзіць, галаву апусціўшы, а патрабаваць з адпаведных людзей. Гэта міністэрства міністэрстваў. Для вас, акрамя Прэзідэнта і Госпада Бога, нікога існаваць не павінна. У адваротным выпадку загадзім Беларусь», — падкрэсліў беларускі лідар.
