Раніцай туман, днём — навальніцы і шквалы: 11 чэрвеня надвор’е праверыць на трываласць
11 чэрвеня, Мінск . У Беларусі сёння чакаецца пераменная воблачнасць. Днём на большай частцы тэрыторыі пройдуць кароткачасовыя дажджы, прагрымяць навальніцы, месцамі чакаюцца моцныя ліўні. Аб гэтым расказалі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Раніцай у асобных раёнах магчымы слабы туман. Вецер прагназуецца паўночна-ўсходні з пераходам на заходні 4-9 м/с, пры навальніцах — з парывамі да 14 м/с, днём месцамі шквалістае ўзмацненне ветру з парывамі 15-20 м/с. У сувязі з гэтым аб’яўлены аранжавы ўзровень небяспекі.
Тэмпература паветра днём будзе ад плюс 18 градусаў па захадзе да плюс 30 градусаў па ўсходзе.
Больш актуальнай і цікавай інфармацыі пра надвор’е глядзіце ў праграме АНТ «Метэагід» на videobel.by.
