Праца работнікаў сельскай гаспадаркі заслугоўвае вялікай павагі — Назараў
Фота з архіва 13 лістапада, Мінск . Праца работнікаў сельскай гаспадаркі адыгрывае важнейшую ролю ў забеспячэнні эканамічнай і харчовай бяспекі дзяржавы, заслугоўвае вялікай павагі і цёплых слоў удзячнасці. Аб гэтым заявіў кіраўнік спраў Прэзідэнта Юрый Назараў, уручаючы па даручэнні Прэзідэнта дзяржаўныя ўзнагароды работнікам падпарадкаваных арганізацый, паведамілі БЕЛТА ў прэс-службе Кіраўніцтва справамі.
Юрый Назараў адзначыў, што цырымонія праходзіць напярэдадні прафесійнага свята работнікаў сельскай гаспадаркі і перапрацоўчай прамысловасці аграпрамысловага комплексу.
«Мы сабралі добры ўраджай, многае зрабілі і прадаўжаем работу ў частцы тэхнічнага пераўзбраення і мадэрнізацыі вытворчасці, умацавання кадравага патэнцыялу, будаўніцтва жылля ў вёсцы і павышэння ўзроўню даходнасці сельскай гаспадаркі, перапрацоўчай прамысловасці. Гэта вынік нашай з вамі сумеснай працы, што складаецца з асабістага ўкладу кожнага работніка прадпрыемства. Бо за кожным караваем хлеба, за кожным літрам малака, за кілаграмам мяса стаіць ваша самаадданая праца, ваша майстэрства і ваша адданасць выбранай справе і роднай зямлі. І я абсалютна падтрымліваю словы Прэзідэнта, што вы — работнікі сельскай гаспадаркі — з’яўляецеся нашым гонарам, вы славіце Радзіму сваімі справамі і за гэта вам нізкі паклон», — сказаў Юрый Назараў.
Ён таксама ўручыў узнагароды работнікам санаторыя «Сосны». «Сёння гэта ўстанова па праву з’яўляецца лідарам у галіне санаторна-курортнай дзейнасці як у Нарачанскім рэгіёне, так, думаю, і ў рэспубліцы. Санаторый развіваецца імкліва, заваёўвае шырокую папулярнасць. Дзякуючы высокаму ўзроўню сэрвісу і тым навацыям, якія з’яўляюцца ў санаторыі кожны сезон, здраўніца мае высокі попыт на свае паслугі. Работа працоўнага калектыву санаторыя ў многім можа быць прыкладам перадавога вопыту і прафесіяналізму для іншых арганізацый Кіраўніцтва справамі Прэзідэнта. Ваша праца, накіраваная на аздараўленне людзей, таксама мае вялікае значэнне для дзяржавы, для грамадства, і таму атрымлівае такую высокую ацэнку, як дзяржаўныя ўзнагароды», — падкрэсліў Юрый Назараў.
Таксама ўзнагарода ўручана вышывальшчыцы навукова-вытворчага прадпрыемства «Скарбніца» Аляксандры Марчанка. «Дзякуючы працы такіх унікальных майстроў у Беларусі захоўваюцца старадаўнія народныя традыцыі і прадаўжаюць жыць у сучасных вырабах народных промыслаў», — рэзюмаваў кіраўнік спраў Прэзідэнта.
Ён падзякаваў усім удзельнікам цырымоніі за плённую, стваральную і добрасумленную працу.
