Золатавалютныя рэзервы Беларусі зменшыліся за чэрвень на $881,8 млн
Фота з архіва 6 ліпеня, Мінск . Золатавалютныя рэзервы Беларусі зменшыліся за чэрвень на $881,8 млн і на 1 ліпеня 2026 года склалі $14,156 млрд, паведамілі ў Нацбанку.
Скарачэнне аб’ёму золатавалютных рэзерваў звязана са зніжэннем цаны на золата на міжнародных рынках.
Найбольшую долю ў структуры міжнародных рэзервовых актываў Беларусі займаюць актывы ў замежнай валюце і манетарнае золата. Паводле даных Нацбанка, аб’ём замежнай валюты ў рэзервах на 1 ліпеня склаў $5,7736 млрд, павялічыўшыся за чэрвень на $24,5 млн, аб’ём манетарнага золата — $6,9823 млрд, зменшыўшыся на $896,9 млн.
Згодна з мэтавымі паказчыкамі грашова-крэдытнай палітыкі, аб’ём міжнародных рэзервовых актываў Беларусі на канец 2026 года павінен скласці не менш як $9,2 млрд.
