Рознічны тавараабарот у Беларусі ў студзені-маі вырас на 7,1 працэнта
Фота з архіва 16 чэрвеня, Мінск . Рознічны тавараабарот у Беларусі ў студзені — маі 2026 года склаў 44,6 млрд рублёў, або 107,1 працэнта ў супастаўных цэнах да ўзроўню студзеня — мая 2025-га. Аб гэтым паведамілі ў Нацыянальным статыстычным камітэце.
Аднадзённы рознічны тавараабарот у разліку на душу насельніцтва з пачатку года склаў 32,5 рубля супраць 29,9 рубля за аналагічны перыяд папярэдняга года.
Рознічны тавараабарот арганізацый гандлю, на які прыпала 96,3 працэнта рознічнага тавараабароту рэспублікі, у студзені — маі 2026 года склаў 42,9 млрд рублёў, або 107,6 працэнта ў супастаўных цэнах да адпаведнага перыяду папярэдняга года.
Аптовы тавараабарот у студзені — маі 2026 года склаў 73,9 млрд рублёў, або 99,4 працэнта ў супастаўных цэнах да ўзроўню студзеня — мая 2025 года.
Тавараабарот грамадскага харчавання ў студзені — маі склаў 3,1 млрд рублёў, або 100,5 працэнта ў супастаўных цэнах да ўзроўню студзеня — мая 2025 года.
