Лукашэнка павіншаваў работнікаў аховы здароўя: ваша імкненне дапамагаць людзям дастойна павагі
21 чэрвеня, Мінск . Прэзідэнт Беларусі Аляксандр Лукашэнка павіншаваў работнікаў аховы здароўя з прафесійным святам — Днём медыцынскіх работнікаў. Аб гэтым паведамілі у прэс-службе кіраўніка дзяржавы.
«Ваша імкненне дапамагаць людзям дастойна павагі. Ратуючы жыцці, захоўваючы і ўмацоўваючы здароўе грамадзян, вы ўносіце неацэнны ўклад у будучыню нашай краіны», — гаворыцца ў віншаванні.
Кіраўнік дзяржавы падкрэсліў, што ў Беларусі створаны шырокія магчымасці для развіцця медыцыны. У краіне будуюцца бальніцы, набываецца сучаснае абсталяванне, паспяхова ўкараняюцца перадавыя тэхналогіі дыягностыкі і лячэння. «Але ў аснове вашай дзейнасці заўсёды застаюцца высокі прафесіяналізм, адказнасць і міласэрнасць», — адзначыў Прэзідэнт.
Аляксандр Лукашэнка выказаў шчырую ўдзячнасць работнікам і ветэранам галіны за самаадданую працу. «Упэўнены, людзі ў белых халатах прадоўжаць з апорай на слаўныя традыцыі айчыннай аховы здароўя аддана служыць справе і сваёй Радзіме», — падкрэсліў беларускі лідар.
Прэзідэнт пажадаў работнікам аховы здароўя і іх блізкім здароўя, шчасця і радасці, а роднай Беларусі — міру і дабра.
Віншаванне Прэзідэнта Беларусі з Днём медыцынскіх работнікаў
Прэзідэнт Рэспублікі Беларусь
Работнікам аховы здароўя Рэспублікі Беларусь
Дарагія сябры!
Ад усёй душы віншую вас з прафесійным святам — Днём медыцынскіх работнікаў.
Ваша імкненне дапамагаць людзям дастойна павагі. Ратуючы жыцці, захоўваючы і ўмацоўваючы здароўе грамадзян, вы ўносіце неацэнны ўклад у будучыню нашай краіны.
У Беларусі створаны шырокія магчымасці для развіцця медыцыны. Будуюцца бальніцы, набываецца сучаснае абсталяванне, паспяхова ўкараняюцца перадавыя тэхналогіі дыягностыкі і лячэння. Але ў аснове вашай дзейнасці заўсёды застаюцца высокі прафесіяналізм, адказнасць і міласэрнасць.
Выказваю шчырую ўдзячнасць работнікам і ветэранам галіны за самаадданую працу. Упэўнены, людзі ў белых халатах прадоўжаць з апорай на слаўныя традыцыі айчыннай аховы здароўя аддана служыць справе і сваёй Радзіме.
Жадаю вам і вашым блізкім здароўя, шчасця і радасці, а роднай Беларусі — міру і дабра.
Аляксандр Лукашэнка,
21 чэрвеня 2026 года.
