Ад мотаблокаў да самага магутнага трактара. Што паказаў МТЗ на «Белагра-2026»
2 чэрвеня, Мінск . «МТЗ-Холдынг» прадставіў больш як 20 адзінак тэхнікі на міжнароднай спецыялізаванай выстаўцы «Белагра-2026»,
Як расказаў вядучы спецыяліст па рэкламе і выстаўках прадпрыемства Васіль Гнедчык, дэманструецца шырокі мадэльны рад тэхнікі, пачынаючы ад мотаблока, касілкі, падштурхоўвальніка кармоў і заканчваючы самым магутным трактарам 540 конскіх сіл BELARUS-5425. Большасць машын агрэгатаваны з навясным і прычапным абсталяваннем.
«Паказалі як новыя, так і мадэрнізаваныя мадэлі. Адна з апошніх распрацовак — BELARUS-5425. Магутны трактар забяспечвае эканомію паліва, можа выкарыстоўваць розныя механізмы, са значнай шырынёй захопу. Гэта павялічвае прадукцыйнасць працы і паскарае правядзенне палявых работ. Выраблены чатыры экзэмпляры, якія праходзяць выпрабаванні ў гаспадарках. Па іх выніках будзе дапрацоўка канструкцыі, пасля сертыфікацыя і пачнецца серыйная вытворчасць», — расказаў Васіль Гнедчык.
Для такой магутнай тэхнікі патрэбны вялікія палі. Вытворчасць мадэлі ў тым ліку арыентавана на экспарт, разглядаюцца ў якасці перспектыўных рынкі Расіі, Казахстана і іншых краін.
На стэндзе BELARUS TRACTORS можна не толькі паглядзець тэхніку, але і набыць сувенірную прадукцыю. 
Фота Віталя Піваварчыка, Андрэя Сіняўскага
