На падставе грамадзянства. У Саюзнай дзяржаве могуць спрасціць атрыманне дазволу на пражыванне
9 ліпеня, Мінск . Прэзідэнт Беларусі Аляксандр Лукашэнка 9 ліпеня падпісаў указ нумар 228, якім адобрыў у якасці асновы для правядзення перагавораў праект пратакола аб унясенні змяненняў у пагадненне паміж Беларуссю і Расіяй аб забеспячэнні роўных правоў грамадзян дзвюх краін на свабоду перамяшчэння, выбар месца знаходжання і жыхарства на тэрыторыях дзяржаў — удзельніц Саюзнай дзяржавы ад 24 студзеня 2006 года. Аб гэтым паведамілі ў прэс-службе беларускага лідара.
Праектам пратакола прадугледжваецца магчымасць атрымання грамадзянамі аднаго боку дазволу на часовае або пастаяннае пражыванне на тэрыторыі другога боку на падставе прыналежнасці гэтых асоб да грамадзянства аднаго з бакоў. Скарачаюцца тэрміны разгляду дакументаў для атрымання грамадзянамі дазволу на пастаяннае пражыванне з трох да двух месяцаў.
Пашыраецца пералік дакументаў грамадзян Рэспублікі Беларусь, па якіх магчымы ўезд, выезд, транзітны праезд, перамяшчэнне і знаходжанне на тэрыторыі Расійскай Федэрацыі (біяметрычны пашпарт, біяметрычны дыпламатычны пашпарт, біяметрычны службовы пашпарт, ідэнтыфікацыйная картка).
На правядзенне перагавораў па праекце пратакола і яго падпісанне ўпаўнаважана Міністэрства замежных спраў.
