Спёка пачне спадаць у Беларусі з сярэдзіны наступнага тыдня
28 чэрвеня, Мінск . У Беларусі наступны тыдзень чакаецца з гарачынёй, дажджамі і навальніцамі. Такая інфармацыя прагучала ў праграме «Метэагід» на тэлеканале АНТ, .
«Да сярэдзіны наступнага тыдня нас чакае анамальная гарачыня і душныя трапічныя ночы. З серады стане крыху лягчэй. Спёка пачне спадаць з-за халаднаватых паветраных мас з паўночнага захаду. Але прыйдуць дажджы, навальніцы і шквалісты вецер», — расказалі ў «Метэагідзе».
У панядзелак на надвор’і адаб’ецца ўплыў антыцыклону, які захавае гарачае надвор’е. Будзе пераважаць пераменная воблачнасць без істотных ападкаў, пад раніцу месцамі туман. Вецер пераменных напрамкаў, слабы. Ноччу чакаецца ад 15 да 20 градусаў, днём — ад 29 да 34 цяпла. Па захадзе і поўдні слупкі тэрмометраў пакажуць плюс 35-38.
У аўторак атмасфернымі працэсамі прадоўжаць кіраваць вобласць высокага атмасфернага ціску і вельмі цёплыя паветраныя масы. Чакаецца пераменная воблачнасць. Днём лакальна па краіне пройдуць кароткачасовыя дажджы, магчымы навальніцы. Вецер будзе пераменных напрамкаў, умераны. Вільготнасць — да 70 працэнтаў. Ноччу прагназуецца ад 15 да 19 цяпла, днём — плюс 27-33, па поўдні краіны — да плюс 36. 
У сераду днём па паўднёвым захадзе краіны за надвор’е стане адказваць актыўны атмасферны фронт, які прынясе ў гэтыя раёны дрэннае надвор’е, дажджы, навальніцы і моцныя ліўні. Ноччу і раніцай месцамі магчымы туман. Вільготнасць паветра высокая, да 90 працэнтаў. Вецер будзе дзьмуць заходні, паўночна-заходні, парывісты. Ноччу будзе ад 14 да 19 цяпла. Днём усё яшчэ горача — 25-30 градусаў, па поўдні і паўднёвым захадзе — да плюс 35.
Чакаецца, што ў чацвер надвор’ем пачне дырыжыраваць чарговы атмасферны фронт з паўднёвага захаду Еўропы. У большасці раёнаў пройдуць дажджы рознай інтэнсіўнасці, навальніцы. Вецер заходні, паўночна-заходні, парывісты. Ноччу і раніцай месцамі туман. Вільготнасць паветра захаваецца высокая. Ноччу прагназуецца ад 13 да 18 градусаў. Днём таксама стане больш халаднавата: ад плюс 21 па поўначы да плюс 30 па паўднёвым усходзе.
У пятніцу надвор’е застанецца пад уплывам атмасферных франтоў. Яны прынясуць кароткачасовыя навальнічныя дажджы. Чакаецца воблачнае з праясненнямі надвор’е. Будзе дзьмуць свежы парывісты паўночна-заходні вецер. Ноччу і раніцай месцамі непрацяглы туман. Ноччу тэмпература складзе ад 9 да 15 цяпла, днём — плюс 22-27, па Брэсцкай вобласці — плюс 28-30. 
У выхадныя атмасфернымі працэсамі над Беларуссю стане кіраваць антыцыклон з захаду Еўропы. Надвор’е пачне паляпшацца.
У суботу чакаецца пераменная воблачнасць. Па паўночна-ўсходняй палове пройдуць кароткачасовыя дажджы. Вецер заходні, умераны. Вільготнасць — да 70 працэнтаў. Тэмпература ноччу чакаецца ад 13 да 19 цяпла, днём — ад плюс 19 па поўначы краіны да плюс 25 па поўдні.
У нядзелю надвор’е прадоўжыць вызначаць вобласць высокага атмасфернага ціску. Прагназуецца невялікая воблачнасць, без істотных ападкаў. Ноччу і раніцай туман, бачнасць — да паўкіламетра. Вецер паўднёва-заходні, умераны. Ноччу чакаецца ад 12 да 17 градусаў, днём — ад плюс 17 на паўночным захадзе Беларусі да 25 у паўднёвых раёнах краіны.
