Наведванне лесу абмежавана ў 57 раёнах Беларусі
Фота з архіва 2 верасня, Мінск . Наведванне лесу абмежавана ў 57 раёнах Беларусі. Аб гэтым сведчаць даныя інтэрактыўнай карты Міністэрства лясной гаспадаркі, .
У Брэсцкай вобласці дазволена наведванне лесу ў Баранавіцкім, Камянецкім, Лунінецкім, Ляхавіцкім і Пружанскім раёнах. У астатніх дзейнічаюць абмежаванні.
У Мінскай вобласці абмежаванні ўведзены ў Бярэзінскім, Барысаўскім, Дзяржынскім, Клецкім, Крупскім, Капыльскім, Лагойскім, Мінскім, Нясвіжскім, Пухавіцкім, Стаўбцоўскім, Слуцкім, Смалявіцкім, Старадарожскім, Уздзенскім і Чэрвеньскім раёнах. Забарона на наведванне лесу дзейнічае ў Салігорскім раёне.
У Гомельскай вобласці абмежаванні дзейнічаюць у Брагінскім, Буда-Кашалёўскім, Веткаўскім, Гомельскім, Добрушскім, Жыткавіцкім, Жлобінскім, Лельчыцкім, Лоеўскім і Хойніцкім раёнах.
У Віцебскай вобласці абмежаванні дзейнічаюць у Дубровенскім, Аршанскім і Талачынскім раёнах.
Абмежаванні на наведванне лесу ў Магілёўскай вобласці ўведзены ў большасці раёнаў, акрамя Глускага, Крычаўскага, Краснапольскага, Мсціслаўскага, Слаўгарадскага, Чэрыкаўскага і Шклоўскага.
У Гродзенскай вобласці наведванне лесу абмежавана ў Дзятлаўскім, Зэльвенскім і Слонімскім раёнах.
Перад паходам у лес спецыялісты рэкамендуюць азнаёміцца з актуальнай інфармацыяй на афіцыйным сайце Мінлясгаса. Таксама інфармацыю можна ўдакладніць у мясцовых райвыканкамах і лесагаспадарчых установах.
