Навальніцы і кароткачасовыя дажджы чакаюцца сёння ў Беларусі
20 ліпеня, Мінск . Навальніцы, месцамі кароткачасовыя дажджы і да плюс 28 градусаў. Такое надвор’е чакаецца сёння ў Беларусі, паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
У многіх раёнах пройдуць кароткачасовыя дажджы. Месцамі пры навальніцах моцныя ліўні. Вецер пераменных напрамкаў умераны, пры навальніцах парывісты, месцамі шквалістае ўзмацненне ветру парывамі 15-20 м/с.
Тэмпература паветра складзе ад 20 да 26 градусаў, у паўднёва-ўсходніх раёнах да плюс 28 градусаў.
Больш актуальнай і цікавай інфармацыі аб надвор’і глядзіце ў праграме АНТ «Метэагід» на videobel.by.
