«Мы — за дыялог». Намеснік кіраўніка МЗС Беларусі пракаменціраваў тэлефонную размову Лукашэнкі і Макрона
Фота з архіва 25 мая, Мінск . Тэлефонная размова прэзідэнтаў Беларусі і Францыі, якая адбылася 24 мая па ініцыятыве французскага боку, сведчыць аб узрастаючым інтарэсе да нармальных кантактаў і камунікацыі, якая адсутнічала некалькі гадоў. Аб гэтым у эфіры тэлеканала «Першы інфармацыйны» заявіў намеснік міністра замежных спраў Беларусі Ігар Сякрэта,
«Такія размовы не адбываюцца проста так. Безумоўна, гэта ўзрастаючы інтарэс да ролі і месца Беларусі ў Еўропе. Гэта патрэба ў дыялогу, якая праяўляецца такім чынам. Учора адбылася даволі працяглая размова лідараў нашых краін. Абмеркавалі пытанні рэгіянальнага парадку дня, рэгіянальнай бяспекі, а таксама ўзаемадзеянне Беларусі з ЕС і Францыяй у прыватнасці», — сказаў намеснік кіраўніка МЗС.
Ігар Сякрэта адзначыў, што фарматаў для адносін ёсць шмат, і калі размаўляюць лідары краін, гэта абсалютна нармальная рэч: «Гэта сведчыць аб тым, што ёсць інтарэс, ёсць пытанні, якія трэба абмеркаваць. Потым даюцца, зразумела, даручэнні міністэрствам замежных спраў, іншым ведамствам і органам, якія ўзаемадзейнічаюць паміж сабой».
«Яшчэ раз хачу акцэнтаваць увагу, што галоўная станоўчая рэч гэтай размовы — павелічэнне інтарэсу да нармальных, абсалютна цывілізаваных кантактаў, да камунікацыі, якая адсутнічала вось ужо некалькі гадоў. Я ўпэўнены ў тым, што такіх кантактаў будзе больш. І па дыпламатычнай лініі, і па лініі іншых ведамстваў. Думаю, што нас чакаюць дастаткова цікавыя дыскусіі. Ёсць што абмеркаваць. Мы да гэтага гатовы. Гэта — галоўнае. У нас вялікі спектр пытанняў, якія былі пастаўлены на паўзу або на якія нашы партнёры пакуль не адказвалі. Мы — за дыялог», — рэзюмаваў Ігар Сякрэта.
