Лукашэнка нагадаў пра задачу нармальна карміць дзяцей у школах
Фота з архіва 3 верасня, Мінск . Прэзідэнт Беларусі Аляксандр Лукашэнка нагадаў пра задачу арганізаваць якаснае харчаванне дзяцей у школах. Аб гэтым ён заявіў, прымаючы з дакладам міністра адукацыі Андрэя Іванца,
«Мы дамаўляліся, што трэба зрабіць так, каб мы больш не перажывалі за харчаванне, не абмяркоўвалі на ўзроўні Прэзідэнта. Такая задача перад урадам, вамі была пастаўлена, — сказаў кіраўнік дзяржавы. — Я гляджу, мы ўвесь час развіваемся ў тым напрамку, што як бы тут дзецям прапанаваць амаль рэстараннае або яшчэ нейкае меню. Дзяцей трэба проста ў абед нармальна накарміць. Бульбы ў нас хапае, мяса, малака ў нас хапае. Таму сасіскі, каўбасы і гэтак далей. Нешта такое, каб дзеці маглі нармальна паесці».
«Будзем шчырымі, у нас некаторыя сем’і асабліва за харчаваннем дзяцей не сочаць. Таму тое, што яны атрымаюць у школе, — нармальны абед — гэта для дзяцей будзе прымальна і садзейнічаць іх нармальнаму здароўю і развіццю», — адзначыў Прэзідэнт. 
