Лукашэнка адобрыў праект паправак у Дагавор аб Мытным кодэксе ЕАЭС
Фота з архіва 20 кастрычніка, Мінск . Прэзідэнт Беларусі Аляксандр Лукашэнка падпісаў указ №368, якім адобрыў у якасці асновы для правядзення перагавораў праект пратакола аб унясенні змяненняў у Дагавор аб Мытным кодэксе Еўразійскага эканамічнага саюза ад 11 красавіка 2017 года. Аб гэтым паведамілі ў прэс-службе беларускага лідара.
Праектам пратакола прадугледжаны папраўкі, прызнаныя дзяржавамі — членамі ЕАЭС першачарговымі і накіраваныя на вырашэнне праблемных пытанняў у сферы мытнага рэгулявання. Гэта ў тым ліку датычыцца сферы кантэйнерных і кантрэйлерных перавозак, прымянення навігацыйных пломб, уніфікацыі электроннага дакументаабароту, упарадкавання ўвозу прадукцыі марскога промыслу, прадухілення выпадкаў ілжэтранзіту тавараў.
На правядзенне перагавораў па праекце пратакола і яго падпісанне ўпаўнаважаны Дзяржаўны мытны камітэт.
