Толькі ў адзінай дзяржаве, у адзінстве народным мы здольны захаваць свой суверэнітэт — Жук
Скрыншот відэа тэлеканала «Беларусь 1» 19 верасня, Мінск . Толькі ў адзінстве народным мы здольны захаваць свой суверэнітэт. Гэта падкрэсліў міністр інфармацыі Дзмітрый Жук у «Клубе рэдактараў» на тэлеканале «Беларусь 1», .
Як адзначыў міністр, у грамадстве шмат гаварылі аб рэакцыі на свята Дня народнага адзінства. «Які вярнулі (у наш каляндар. — Заўвага БЕЛТА) праз шмат гадоў. І вы ведаеце, вярнулі своечасова. Чаму своечасова? Сёння ж ні для каго не сакрэт, што маладое пакаленне беларусаў, тых, хто ўжо нарадзіўся за апошнія 30 гадоў, за гады незалежнасці нашай краіны, адчуваюць сябе выключна грамадзянамі Беларусі. Сацыялогія гэта пацвердзіла», — канстатаваў міністр інфармацыі.
«Таму самы важны аспект, і гэта тое, што Прэзідэнт учора гаварыў маладым людзям (у выступленні на маладзёжным форуме «Моладзь. Беларусь. Будучыня», прысвечаным Дню народнага адзінства. — Заўвага БЕЛТА), тым, каму ўжо належыць краіна, напэўна, больш, чым людзям майго, дапусцім, пакалення, бо яны ж у гэтай краіне будуць жыць далей, і тыя пытанні, якія ён перад імі ставіў і свядома не даваў свайго адказу, каб яны задумаліся пра сваю будучыню, і тая адсылка да мірнага дагавора (Рыжскага мірнага дагавора 1921 года. — Заўвага БЕЛТА) (у двукоссі мірнага, калі паўкраіны ператварылі па сутнасці ў рэзервацыю, ці пусцяць яны да ўлады людзей, якія дазволяць паўтарыцца гэтаму сцэнарыю? Я так пачуў гэта пытанне. І ці гатовы яны ўсвядоміць гэта і зразумець?» — сказаў Дзмітрый Жук.
«Дзякуй богу, у маладых людзей ёсць выразнае разуменне, што яны могуць вызначаць сваю будучыню. Не хтосьці за іх будзе вызначаць, а яны самі гэта цяпер маюць магчымасць зрабіць. Дык вось, ці захаваюць яны гэту магчымасць наступныя гады, залежыць ужо толькі ад іх. І ў гэтым ключавое значэнне свята. У тым, што толькі ў адзінай дзяржаве, у адзінстве народным мы здольны захаваць свой суверэнітэт. І выступленне Прэзідэнта — на самай справе ключавы пасыл наступнаму пакаленню», — падкрэсліў міністр інфармацыі.
