Як без моцных рэформ мець рэнтабельную жывёлагадоўлю. Лукашэнка ацаніў вопыт ва Уздзенскім раёне
19 чэрвеня, Уздзенскі раён . Прэзідэнт Беларусі Аляксандр Лукашэнка азнаёміўся з вопытам работы прадпрыемства «БелІтэрГен» і яе даччынай структуры «БелІнтэрГен-агра» ў сферы племянной і малочнай жывёлагадоўлі,
«Мне кажуць, што гэта перспектыва наогул сельскай гаспадаркі ў краіне. Што ж тут перспектыўнага ў гэтай гаспадарцы? Я прыехаў не для таго, каб паглядзець, як жывёлу кормяць. Я ведаю, як жывёлу трэба карміць. У чым адметнасць гэтай гаспадаркі?» — з такога пытання Аляксандр Лукашэнка пачаў рабочую паездку.
Як далажылі Прэзідэнту, адметнасць у тонкасцях і строгім выкананні тэхналагічных працэсаў.
Тэхналагічная дысцыпліна — фундамент. А некаторыя тонкасці і нюансы даюць жаданую эканамічную выгаду. Гэта, напрыклад, нестандартны рацыён (усё беларускай вытворчасці), асаблівасці ўзнаўлення племяннога статка, індывідуальны падыход да кожнай каровы і іншыя тонкія рэчы.
У цэлым, як сцвярджаюць спецыялісты, важны два галоўныя складнікі — якасць кармоў і генетыка.
«Ніякай тут выключнай адметнасці я не бачу. Проста парадак навёў і працуе на гэтым кавалачку зямлі (размова пра ТАА «БелІнтэрГен-агра». — Заўвага ), — зрабіў вывад беларускі лідар. — Гэта шлях без усялякай моцнай рэформы і мадэрнізацыі мець рэнтабельную жывёлу. Я сёння прыехаў для таго, каб толькі нешта разумнае знайсці (у пытанні развіцця жывёлагадоўлі. — Заўвага ). А разумнае ў адным — выкананне тэхналагічнай дысцыпліны».
Міністр сельскай гаспадаркі і харчавання Юрый Горлаў падрабязна далажыў кіраўніку дзяржавы аб развіцці жывёлагадоўлі ў Беларусі.
/Будзе дапоўнена/.
