Эксперт: рашэнне Лукашэнкі зрабіць стаўку на Кітай больш як 30 гадоў таму апярэдзіла час
Навіны сюжэта «Праект «У тэме» на YouTube-канале БЕЛТА » «Заўсёды грамадзянская вайна і насілле». Эксперт аб наступствах распаўсюджвання ідэй нацыяналізму Палітолаг спрагназавала, чым скончыцца канфлікт паміж Польшчай і Украінай 11 ліпеня, Мінск . Рашэнне Прэзідэнта Беларусі Аляксандра Лукашэнкі больш як 30 гадоў таму зрабіць стаўку на развіццё супрацоўніцтва з Кітайскай Народнай Рэспублікай апярэдзіла час. Такі пункт гледжання ў праекце БЕЛТА «У тэме» выказаў намеснік начальніка факультэта па вучэбнай і навуковай рабоце — начальнік вучэбна-метадычнага аддзела факультэта Генеральнага штаба Узброеных Сіл Ваеннай акадэміі Беларусі, кандыдат ваенных навук Андрэй Багадзель.
Эксперт, каменціруючы выказванне Прэзідэнта Беларусі Аляксандра Лукашэнкі аб тым, што будучыня за Кітаем, звярнуў увагу на мэты, якія перад сабой ставіць Пекін. У прыватнасці, на XX з’ездзе Камуністычнай партыі Кітая ключавой тэмай стала канцэпцыя «кітайскай мадэрнізацыі». Яна вызначыла новы этап развіцця сацыялізму з кітайскай спецыфікай, мэта якога — ператварэнне Кітая ў вялікую дзяржаву ў 2049 годзе.
«Ведаеце, чаму за Кітаем будучыня? Там развіваецца сацыялізм. Яны хочуць паказаць, што сацыялізм будзе пераўзыходзіць усе іншыя ідэалогіі», — адзначыў Андрэй Багадзель.
На яго думку, грамадства, якое пабудавана ў Беларусі, падобнае да кітайскага. Дзяржава робіць стаўку на сацыяльную справядлівасць, дзе ва ўсіх грамадзян ёсць роўныя правы і магчымасці.
«Кіраўнік нашай дзяржавы ўжо больш за 30 гадоў таму выразна разумеў, што за Кітаем будучыня, таму што ўжо тады ён быў дастаткова вопытным палітыкам і дэпутатам. Але наўрад ці можна было падумаць, што развіццё Кітая будзе такім імклівым. І стаўка, якая была зроблена на КНР, стала рашэннем, якое апярэдзіла час», — упэўнены Андрэй Багадзель.
Як паведамлялася раней, кіраўнік беларускай дзяржавы ў ходзе нядаўняга візіту ў Кітай наведаў Пекінскі ўніверсітэт і прыняў удзел ва ўрачыстай цырымоніі ўручэння дыпломаў выпускнікам першай сумеснай адукацыйнай праграмы паміж вядучымі ВНУ Беларусі і Кітая.
«Я хачу, каб вы разумелі маю задуму. Кітай — вялікая краіна. Той, хто першы раз у Кітаі, можа, гэтага не заўважыць. Але я ўжо 17-ы раз у Кітайскай Народнай Рэспубліцы. Я бачыў тут многае. Гэта краіна, якая змагла ў жорсткай канкурэнцыі за 35 гадоў зрабіць каласальны рывок наперад, — сказаў Аляксандр Лукашэнка. — Будучы дэпутатам Вярхоўнага Савета, я прапанаваў сур’ёзна паглядзець на развіццё Кітая. Я сказаў (і не памыліўся): за Кітаем — вялікая будучыня».
* Праект створаны за кошт сродкаў мэтавага збору на вытворчасць нацыянальнага кантэнту
