Абмежаванні на наведванне лесу дзейнічаюць у сямі раёнах Беларусі
Фота з архіва 19 чэрвеня, Мінск . У сямі раёнах Беларусі дзейнічаюць абмежаванні на наведванне лесу. Аб гэтым сведчыць інтэрактыўная карта Міністэрства лясной гаспадаркі, .
Наведванне лесу абмежавана ў Брэсцкім, Драгічынскім, Жабінкаўскім, Кобрынскім раёнах Брэсцкай вобласці і ў Ельскім, Мазырскім і Нараўлянскім раёнах Гомельскай вобласці. Абмежаванні датычацца самай паўднёвай часткі краіны. Астатняя тэрыторыя ўсіх рэгіёнаў адзначана на карце зялёным колерам — наведванне лесу дазволена.
У Мінлясгасе нагадалі, што перад паходам у лес неабходна даведацца пра актуальную інфармацыю на афіцыйным сайце ведамства, дзе размешчана інтэрактыўная карта забарон і абмежаванняў. Яна аператыўна абнаўляецца ў адпаведнасці з сітуацыяй у лесе і ўвядзеннем мер абмежавальнага характару. Таксама інфармацыю можна ўдакладніць у мясцовых райвыканкамах і лесагаспадарчых установах.
