Беларусы стартавалі на чэмпіянаце свету па веславанні на байдарках і каноэ ў Польшчы
Фота НАК 26 жніўня, Магілёў . Беларускія спартсмены пачалі выступленні на чэмпіянаце свету па веславанні на байдарках і каноэ 2026 года ў польскай Познані,
У ранішняй праграме 26 жніўня нашы весляры былі прадстаўлены ў васьмі папярэдніх заездах, у кожным з гэтых відаў праграмы беларусы прайшлі ў наступную стадыю. Паўфіналістамі ў асабістых дысцыплінах сталі канаісты Іван Патапенка (1000 м) і Андрэй Жолабаў (200 м), байдарачнікі Аляксей Дашчынскі (200 м) і Людміла Сінкель (1000 м), а таксама Хрысціна Сульжыцкая (параканоэ, 200 м).
Акрамя таго, у паўфіналы прабіліся нашы Мікіта Борыкаў, Уладзіслаў Літвінаў, Ілья Федарэнка і Дзмітрый Натынчык (байдарка-чацвёрка, 500 м), Аліна Світа, Уладзіслава Скрыганава, Іна Саўчук і Надзея Кушнер (байдарка-чацвёрка, 500 м), а таксама Ангеліна Барданоўская і Іна Нядзелькіна (каноэ-двойка, 500 м).
Вячэрняя сесія першага дня спаборніцтваў на канале ў Познані прадоўжыцца з 15.00 па 18.30. Медалі галоўнага старту сезона будуць разыграны з 28 па 30 жніўня, нашу каманду ў Польшчы прадстаўляюць 25 весляроў. На чэмпіянаце свету 2025 года ў Італіі і на кантынентальным форуме 2026 года ў Партугаліі беларусы з улікам паралімпійскіх дысцыплін заваявалі па сем узнагарод.
