Аднаго з сотавых аператараў Беларусі аштрафавалі за дрэнную сувязь
Фота з архіва 1 лістапада, Мінск . У Беларусі аднаго з сотавых аператараў аштрафавалі за дрэнную сувязь. Аб гэтым расказаў у эфіры тэлеканала СТБ першы намеснік міністра сувязі і інфарматызацыі Павел Ткач, .
Павел Ткач нагадаў, што ў Беларусі ўведзена адміністрацыйная адказнасць для сотавых аператараў за недастатковую якасць сувязі і ахоп тэрыторыі. «Абавязковае патрабаванне — забяспечыць пакрыццё трас класа М адпаведнымі параметрамі, якія вымяраюцца. Адзін з аператараў, на жаль, па заключэнні Беларускай дзяржаўнай інспекцыі па электрасувязі, не выканаў гэтыя патрабаванні. Матэрыялы былі перададзены ў суд. Гэта ў нас першы прэцэдэнт. Штраф для вядомага аператара невялікі — усяго 100 базавых велічынь. Устаноўлены тэрмін для ўстаранення прычын — да канца бягучага года. Калі не будзе ліквідавана, значыць, паўторна будуць матэрыялы перадавацца ў суд і паўторнае спагнанне да таго часу, пакуль аператар не ліквідуе заўвагу», — адзначыў ён.
Як паведамлялася, з 19 чэрвеня 2026 года ў Беларусі дзейнічае адміністрацыйная адказнасць аператараў сотавай сувязі за парушэнне патрабаванняў да якасці і ахопу паслугамі. Прычым памер штрафу можа даходзіць да 1 тыс. базавых велічынь.
Больш актуальных навін і аналітыкі глядзіце на VIDEOBEL.BY
