Больш як 50 чалавек пацярпелі пры выбуху на буйнейшым газавым аб’екце Катара
Фота Reuters 22 чэрвеня, Мінск /Кар. БЕЛТА/. Сама меней 54 чалавекі атрымалі раненні, яшчэ 18 лічацца прапаўшымі без вестак у выніку выбуху і пажару на буйнейшым аб’екце па перапрацоўцы прыроднага газу ў Катары. Аб гэтым паведамляе агенцтва Reuters са спасылкай на МУС краіны.
Аварыя здарылася вечарам 21 чэрвеня на газаперапрацоўчым комплексе Барзан у прамысловым горадзе Рас-Лафан. Як заявіла кампанія QatarEnergy, выбух адбыўся у час запуску вытворчасці. На месца былі накіраваны аварыйна-выратавальныя службы, пажар удалося лакалізаваць.
У МУС Катара паведамілі, што прычынай здарэння стала тэхнічная няспраўнасць. Паводле даных ведамства, пагрозы для насельніцтва няма, а выратавальныя групы прадаўжаюць пошукі 18 прапаўшых без вестак.
Як адзначае Reuters, комплекс Барзан здольны перапрацоўваць да 1,4 млрд куб. футаў газу за суткі, ён забяспечвае пастаўкі паліва на ўнутраны рынак Катара, уключаючы энергетычны сектар і прамысловыя аб’екты. Прадпрыемства размешчана ў Рас-Лафане — буйнейшым цэнтры вытворчасці і экспарту звадкаванага прыроднага газу ў Катары. Агульная магутнасць размешчаных там вытворчых ліній складае 77 млн т ЗПГ за год.-0-
