Пасол: тавараабарот Беларусі і Грузіі дэманструе ўпэўнены рост
Фота з архіва 4 чэрвеня, Мінск . Тавараабарот Беларусі і Грузіі дэманструе ўпэўнены рост і мае патэнцыял для пашырэння. Аб гэтым заявіў журналістам Надзвычайны і Паўнамоцны Пасол Беларусі ў Грузіі Мікалай Рагашчук перад пачаткам экспертнай сесіі «Беларусь — Грузія: аграпрамысловы дыялог» у час Беларускага аграпрамысловага тыдня,
Дыялог паміж Беларуссю і Грузіяй развіваецца актыўна. «Аб гэтым сведчаць лічбы. За першы квартал 2026 года тэмп росту экспарту — больш як 160 працэнтаў. Супрацоўніцтва больш інтэнсіўна пачынае развівацца як паміж бізнесам, так і паміж нашымі ўрадамі. Таму мы спадзяёмся на яшчэ больш паскоранае развіццё адносін», — сказаў Мікалай Рагашчук. Ён звярнуў увагу, што ў гэтым годзе ўпершыню за 6 гадоў праведзена міжурадавая камісія ў Тбілісі.
«Калі грузінскі бок сказаў, што будзе выстаўляцца на «Белагра», мы адразу выйшлі з ініцыятывай арганізаваць такую секцыю, — адзначыў ён. — Грузія славіцца сваім цудоўным віном, каньяком, фруктамі, арэхамі. Таму на стэндзе гэта ўсё ў іх прадстаўлена. На секцыі мы абмяркуем, якія яшчэ можна знайсці агульныя інтарэсы паміж нашымі краінамі, павялічыць яшчэ адзін тавараабарот, які ўжо расце, але хацелася б больш. Прэзідэнт Беларусі наведваў Грузію і стаяла задача, агучаная ім, што можна дасягнуць $200 млн тавараабароту. Па мінулым годзе гэта было $148 млн. Калі ўсё так будзе, як і цяпер, думаю, мы ў гэтым годзе дасягнём гэтай планкі і будзем рухацца толькі наперад, каб разам супрацоўнічаць і працаваць. Грузія — вельмі блізкая нам краіна яшчэ з часоў Савецкага Саюза».
Беларускія тавары прадстаўляюць інтарэс для грузінскага боку. «У першую чаргу гэта прадукты харчавання. Грузія — краіна маленькая, але горная, таму вельмі карыстаюцца попытам нашы прадукты. З году ў год расце колькасць беларускіх магазінаў: калі ў пачатку мінулага года было 26, то цяпер ужо 34. У канцы чэрвеня будуць адкрывацца яшчэ магазіны. Вядома, прадстаўляе інтарэс наша «зялёнае золата» — дрэваапрацоўка, як проста дошкі, так і мэбля. Буйны магазін вытворцы мэблі «Пінскдрэва» ў Тбілісі карыстаецца попытам. Таму ўсё, у чым мы кампетэнтны, гэта ў Грузіі прадаецца”, — падкрэсліў Мікалай Рагашчук.
Прадстаўнік кампаніі «Грузінскі аграпрадукт» Марыям Бекурыдзэ, дзелячыся ўражаннямі аб «Белагра», сказала: «Мы не чакалі такога маштабу, такой колькасці прадстаўленай прадукцыі. Вельмі рады быць тут. Грузінская прадукцыя славіцца сваёй натуральнасцю, смакамі, асабліва нашы фрукты і агародніна. За гэтыя некалькі дзён на дэгустацыі нашай прадукцыі ўбачылі, які водгук быў у мясцовага насельніцтва». Яна падкрэсліла, што ёсць вялікае жаданне актыўна супрацоўнічаць з Беларуссю.
