Урадам зацверджана дзяржаўная праграма «Культурная прастора» на 2026-2030 гады
Фота з архіва 31 снежня, Мінск . Урадам зацверджана дзяржаўная праграма «Культурная прастора» на 2026-2030 гады. Адпаведную пастанову падпісаў прэм’ер-міністр Аляксандр Турчын, паведамілі БЕЛТА ў прэс-службе ўрада.
Мэта — захаванне і папулярызацыя гісторыка-культурнай спадчыны, нацыянальных традыцый і звычаяў.
Дзяржпраграма змяшчае дзве падпраграмы: «Культурная спадчына» і «Мастацтва і творчасць». Фінансавае забеспячэнне прадугледжана ў памеры Br2,29 млрд.
Рэалізацыя дзяржпраграмы дасць магчымасць да 2030 года павялічыць наведвальнасць арганізацый культуры на 18,6 працэнта, а таксама забяспечыць рост колькасці спектакляў, канцэртаў, паказаў, праводзімых тэатральна-відовішчнымі арганізацыямі, музейных экспазіцый, долі алічбаваных музейных прадметаў і кінасеансаў з паказам фільмаў беларускай вытворчасці.
