Украіна паведаміла аб аднаўленні транзіту нафты па «Дружбе»
Фота ТАСС 22 красавіка, Мінск /Кар. БЕЛТА/. АТ «Укртранснафта» праінфармавала венгерскую нафтагазавую кампанію MOL аб аднаўленні транзіту нафты па трубаправодзе «Дружба» з Расіі праз Беларусь, паведамляе партал ORIGO.
Першыя пастаўкі ў Венгрыю і Славакію пасля аднаўлення работы ўкраінскага ўчастка трубаправода чакаюцца не пазней за 23 красавіка.
Пры гэтым венгерскі міністр па справах ЕС Янаш Бока адзначыў, што паступленне нафты ў Венгрыю па «Дружбе» можа пачацца ўжо 22 красавіка, перадае ТАСС. «Паводле прыблізных разлікаў, нафта можа дасягнуць Венгрыі сёння або, самае позняе, заўтра раніцай», — адзначыў ён.
У сваю чаргу міністр эканомікі Славакіі Дэніса Сакава адзначыла, што аднаўленне паставак нафты ў краіну па «Дружбе» чакаецца раніцай 23 красавіка, паведамляе партал навін Teraz.sk.
«Аднаўленне паставак нафты па нафтаправодзе «Дружба» — важны крок да стабілізацыі складанай сітуацыі на нафтавым рынку… Мы цвёрда верым, што пастаўкі нафты сапраўды пачнуцца і функцыянальнасць нафтаправода «Дружба» больш не будзе прадметам якіх-небудзь спекуляцый», — падкрэсліла Сакава.-0-
