У выхадныя чакаюцца замаразкі, да канца красавіка пацяплее
Фота з архіва 24 красавіка, Мінск . У Беларусі ў выхадныя чакаюцца замаразкі, а ў апошнія дні красавіка пацяплее. Аб гэтым БЕЛТА паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
«Красавік не перастае здзіўляць беларусаў сваёй зменлівасцю ў надвор’і. Пасля летняй цеплыні ў бліжэйшы час прасторамі нашай рэспублікі завалодае халоднае паветра паўночных шырот. У пятніцу першымі скандынаўскую прахалоду зведаюць на сабе жыхары Віцебскай і Гродзенскай абласцей, у суботу пахаладае ўжо ўсюды. Разам з тым ва ўмовах пераменнай воблачнасці паветра ў начны час будзе інтэнсіўна астываць. У большасці раёнаў чакаюцца замаразкі ад нуля да мінус чатырох градусаў. Толькі месцамі мінімальныя значэнні будуць у межах станоўчых», — расказалі ў Белгідрамеце.
Днём слупкі тэрмометраў не падымуцца вышэй за 6-13 градусаў. У дзённы час унясе свае карэктывы і створыць адчуванне больш халаднавага надвор’я моцны парывісты вецер, таму апранацца трэба цяплей.
«Халоднае з замаразкамі надвор’е захаваецца ў нядзелю і панядзелак», — папярэдзілі сіноптыкі.
У пятніцу, 25 красавіка, уначы і раніцай месцамі пройдуць невялікія кароткачасовыя дажджы, у асобных раёнах можа быць туман. Удзень пераважна без ападкаў, толькі па поўдні рэспублікі чакаюцца кароткачасовыя дажджы, месцамі навальніцы. Тэмпература паветра мінімальная ўначы складзе 3-8 градусаў, месцамі па поўдні да 11 градусаў, максімальная днём ад 10 па паўночным захадзе да 24 градусаў па паўднёвым усходзе.
У суботу, 26 красавіка, уначы па Гомельскай вобласці, днём месцамі па краіне пройдуць кароткачасовыя ападкі (дождж, днём з мокрым снегам). Днём у асобных раёнах прагназуецца ўзмацненне ветру парывамі 15-18 м/с. Уначы на большай частцы тэрыторыі прагназуюцца замаразкі ад нуля да мінус 4 градусаў. Месцамі мінімальная тэмпература паветра будзе плюс 1-6 градусаў. Днём паветра прагрэецца да 6-13 градусаў вышэй за нуль.
У нядзелю, 27 красавіка, будзе пераважна без ападкаў, толькі ўначы і раніцай месцамі па паўночным усходзе краіны пройдуць невялікія кароткачасовыя ападкі, у асноўным мокры снег. Уначы на большай частцы тэрыторыі чакаюцца замаразкі нуль — мінус 4 градусы, месцамі мінімальная тэмпература паветра — 1-3 градусы. Максімальная тэмпература паветра днём складзе 7-14 градусаў.
У панядзелак, 28 красавіка, будзе пераважна без ападкаў. Уначы на большай частцы тэрыторыі прагназуюцца замаразкі ад нуля да мінус 5 градусаў, месцамі мінімальная тэмпература паветра — плюс 1-3 градусы. Днём максімальная тэмпература паветра — 11-18 градусаў са знакам плюс.
«Згодна з папярэднімі прагнозамі, цеплыня пачне вяртацца ў рэспубліку ў заключныя дні красавіка», — адзначылі ў Белгідрамеце.
У аўторак, 29 красавіка, месцамі па краіне пройдуць кароткачасовыя дажджы. Уначы і раніцай у асобных раёнах можа быць слабы туман. Тэмпература паветра мінімальная ўначы — 1-8 градусаў са знакам плюс, па паўднёвым усходзе на глебе месцамі магчымы замаразкі ад нуля да мінус 3 градусаў. Максімальная тэмпература паветра днём — 12-19 градусаў.
У сераду, 30 красавіка, месцамі па рэспубліцы пройдуць кароткачасовыя дажджы, днём магчымы навальніцы. Уначы і раніцай месцамі можа быць слабы туман. Тэмпература паветра мінімальная ноччу — 2-9 градусаў, максімальная днём — 15-22 градусы.
