У Беларусі пасеяна больш за 35 працэнтаў ранніх збожжавых і зернебабовых культур
Фота з архіва 28 сакавіка, Мінск . У Беларусі пасеялі раннія яравыя збожжавыя і зернебабовыя культуры (без кукурузы, грэчкі, проса) на 214,6 тыс. га, што складае 35,4 працэнта да плана, паведамілі ў Міністэрстве сельскай гаспадаркі і харчавання.
На аналагічную дату ў 2024 годзе лічбы складалі 119,3 тыс. га і 19,2 працэнта ад задання.
У Брэсцкай вобласці гэтыя культуры пасеяны на плошчы 72,2 тыс. га, Віцебскай — 2,86 тыс. га, Гомельскай — 30 тыс. га, Гродзенскай — 52,5 тыс. га, Мінскай — 31 тыс. га, Магілёўскай — 26,2 тыс. га.
Глеба пад сяўбу падрыхтавана на 377,6 тыс. га, што складае 62,3 працэнта ад плана, праведзена ўзворванне на 291,5 тыс. га (44,4 працэнта).
Гаспадаркі пачалі сяўбу лёну-даўгунцу — пасеяна 2,21 тыс. га (амаль 5 працэнтаў да плана).
Таксама вядзецца падкормка культур: азімыя збожжавыя падкормлены на плошчы амаль 1,357 млн га (90,3 працэнта да плана), азімы рапс — 403,7 тыс. га (91 працэнт да плана). У некаторых рэгіёнах пачалі ўжо другую падкормку. Паводле даных на 28 сакавіка, ёсць 818,8 тыс. т дзеючага рэчыва мінеральных угнаенняў, што складае 70,1 працэнта ад плана.
Перавышаюць мінулагоднія цяперашнія тэмпы работ па закрыцці вільгаці на палях. Работы праведзены на плошчы 896,3 тыс. га, або 54,3 працэнта да плана. Вядзецца таксама вапнаванне кіслай глебы: яно выканана на плошчы 48,8 тыс. га, што складае 19,6 працэнта ад плана. Даламітавая мука неабходна для нейтралізацыі залішняй кіслотнасці і падтрымання аптымальнага глебавага асяроддзя. Таксама ўносяцца арганічныя ўгнаенні.
