У Беларусь прыляцеў наследны прынц Абу-Дабі
26 чэрвеня, Мінск . Наследны прынц Абу-Дабі, старшыня Выканаўчага савета Абу-Дабі шэйх Халід бен Мухамад бен Заід аль-Нахаян прыбыў з візітам у Беларусь. Яго самалёт прызямліўся ў Нацыянальным аэрапорце Мінск,
У беларускай сталіцы Халід бен Мухамад бен Заід аль-Нахаян прыме ўдзел у пасяджэнні Вышэйшага Еўразійскага эканамічнага савета. Саміт пройдзе 27 чэрвеня ў Палацы Незалежнасці пад старшынствам Прэзідэнта Беларусі Аляксандра Лукашэнкі.
У парадку дня пасяджэння — актуальныя пытанні еўразійскай інтэграцыі, якія датычацца міжнароднай дзейнасці, стратэгічных напрамкаў развіцця еўразійскай эканамічнай інтэграцыі, лібералізацыі паслуг у ЕАЭС, супрацоўніцтва ў галіне спорту, а таксама развіцця гандлёва-эканамічнага ўзаемадзеяння з асноўнымі партнёрамі ЕАЭС.
Напярэдадні саміту ў Мінску стартаваў Еўразійскі эканамічны форум. Яго ўдзельнікамі сталі больш за 2,7 тыс. чалавек з 33 краін.
