Лукашэнка на фестывалі нацыянальных культур: вы ўсе нашы, вы — беларусы, беражыце свой край
5 чэрвеня, Гродна . Прэзідэнт Беларусі Аляксандр Лукашэнка на цырымоніі адкрыцця XV рэспубліканскага фестывалю нацыянальных культур у Гродне заклікаў тых, хто жыве ў Беларусі, берагчы свой квітнеючы край,
«Неяк польскае кіраўніцтва трохгадовай-пяцігадовай даўнасці нам гаварыла пра палякаў. Я ім выразна сказаў: так, у нас жывуць палякі, але гэта мае палякі. Вы ўсе нашы, вы — беларусы. Беражыце свой край. Гэты край ужо не для нас, старэйшага пакалення. Ён для дзяцей і ўнукаў. Мы гэты квітнеючы край павінны зберагчы і прымножыць», — заявіў Аляксандр Лукашэнка. 
Кіраўнік дзяржавы таксама выказаўся аб ролі культуры, якая з’яўляецца інтэрнацыянальнай і не можа быць абмежавана рамкамі адной краіны. «Культура, навука інтэрнацыянальныя. Нельга нейкую культуру замкнуць у рамках адной або дзвюх дзяржаў. Культура ў нас адна, і ў гэтай культуры шмат розных галін і напрамкаў. Таму што яна, як я сказаў, інтэрнацыянальная, — падкрэсліў Аляксандр Лукашэнка. — Яна не абмяжоўваецца рамкамі фестывалю. Фестываль — гэта душа культуры, норма нашага жыцця. Мне прыемна бачыць вас, захопленых гэтай ідэяй. Ідэя важная, але асабліва значная праца людзей, дзякуючы якой яна становіцца беражліва захаванай і абавязкова добрай традыцыяй». 
